安客蔥雞

Open Now

Now Closed

西營盤高街餐廳雲集，今次初訪呢一間人氣韓國菜🇰🇷平日夜晚黎到見到全場爆滿，仲有門口旁邊高枱座位可以同朋友飲返兩杯，氣氛唔錯！餐牌上見到不同口味炸雞，仲有好多經典韓國菜式，價錢以港島來講都唔太貴🙆🏻‍♀️🔸甜辣醬無骨炸雞餐牌上大部分炸雞口味都可以選擇無骨或者有骨，因應人數食量揀小份或大份，仲可以加配額外醬汁或芝士醬。我地揀左甜辣醬無骨炸雞，小份已經好有份量足夠兩個人食！表皮炸得香脆，唔會有油膩感；裏面雞肉嫩滑保持肉汁，醬汁微甜帶辣勁，幾惹味🤤🔸芝士炒年糕年糕煮得十分煙韌有咬勁，配上較濃味以韓式辣醬為基底既醬汁味道剛好平衡，加埋芝士總會有拉絲效果添🥰🔸泡菜煎餅薄薄煎餅非常足料唔怕厚粉，泡菜口感同香味搶鏡！🔸提子燒酒，朱古力奶昔食韓國菜必飲燒酒，但估唔到呢度奶昔都好高質！朱古力奶昔味道濃郁質感幼滑，唔會一味得糖漿死甜👍🏻