謝謝儂 (V City) (Closed)

謝謝儂同朋友咁岩入開屯門，醒起之前有人推薦謝謝儂話呢間餐廳好好食，就同朋友去試下，發現真係好正，一定會再回頭食。個日由於同朋友都唔算好餓就叫左唔太多嘢食，分別叫左個蟹肉扒西蘭花，生煎小籠包，擔擔麵同埋蒜泥白肉，全部都好高水準。先講下蟹肉扒西蘭花，蟹肉量極多，而且調味夠，又香，真係食到停唔到手。之後到生煎小籠包，一入口熱辣辣，入面爆哂汁，唔洗太多形容，淨係會爆汁已經好正。再到擔擔麵，食落有少少花生醬味，味夠濃麵亦唔係淋哂，食落仲有彈性，抵讚。最後蒜泥白肉，食落配埋青瓜清清地唔會太膩同太重口味，加埋粉皮撈汁真係無得彈。