炭火地雞 (Moved) New Location

餐廳佈局似居酒屋，食物主打燒鳥串燒，而雞選用最上乘嘉美雞，用嚟燒的燃料係日本備長炭，它嘅好處係燒出嚟嘅食物比較容易鎖住肉汁，同時又唔容易燒焦。除咗雞嘅大部分位置，亦有牛、豚、海鮮、蔬菜，亦有沙律、飯麵同甜品，種類非常豐富，一定好滿足。燒鳥☀︎ 雞軟骨 $30☀︎ 免治雞肉棒 $38☀︎ 提燈 $42雞軟骨同免治雞肉棒好似每次嚟串燒店都必叫，雞軟骨爽口，免治雞肉棒表面燒得香口，雞肉有軟骨碎食落好有咬口。提燈係雞嘅卵巢同未孵化嘅蛋，穿喺一支竹籖上，睇起嚟似一盞提著嘅燈籠，每隻雞只有一個，亦唔係每隻都搵到，所以有得叫就必叫。口感有啲似雞肝，燒香後好惹味。燒牛豚☀︎ 鹽燒牛舌芯 $58☀︎ 鹽燒A4和牛三角腩 $68☀︎ 和牛雞內卵 $68牛舌芯厚薄適中，肉質爽口，A4和牛油脂含量高，肉質嫩滑，和牛雞內卵係和牛包住雞卵，一口咬落兩種感受，係必叫燒魚 / 海鮮☀︎ 炭燒白鱔 $68白鱔肉香口冇腥味，皮亦燒得香脆前菜☀︎ 煙薰雞火腿他他 $88這款係今餐嘅焦點，雞肉做他他好少見但原來一樣可以，配上蛋黃同wasabi令味道同口感都有提升，最後用紫菜包住食，好有創意卷物☀︎ 豚肉鵪鶉蛋卷 $38☀︎ 豚肉牛油果卷 $38