川燒 (Closed)

同男朋友去拍拖👫行完街街係附近竟然搵到呢間高質串燒店🏮見到都坐滿左八九成人，於是膽粗粗入去問吓有冇位，好彩早咗入，因為我哋入咗唔夠5分鐘出面已經有人排隊啦，所以我哋估呢間應該係高質🙈食完之後一如所料，真係好好味，特別推介以下幾款，而家打緊食評都好想快啲再食😂😂蒜蓉焗廣島蠔，上面鋪滿左勁多蒜蓉，一睇就知惹味，蒜香味勁重，仲有啲蟹子同青蔥添😋而且粒廣島蠔好大粒🤩蠔肉勁肥美😚燒豬頸肉，好香炭燒烤味😍仲要好大份，塊塊豬頸肉都好嫩！燒吞拿魚下顎，油脂豐腴，啲魚肉又滑，真係擁有無窮鮮味😉😉