鮨政 (Closed)

從來冇諗過貴價壽司都可以做放題😂上網見到人介紹呢間中環嘅壽司店 佢哋而家做緊$499任食壽司放題 如果想任食埋海膽同拖羅 都只系$6xx！！餐廳以日式裝修環境為主🎌座位不多 當日係平日六點半左右過去 已經座無虛席 如果想試記得訂座🥰▫️壽司刺身方面一坐低店員就會介紹放題可以食到嘅嘢 首先會比個壽司拼盤 裏面有八件壽司 有吞拿魚腩、三文魚籽、海膽壽司、三文魚腩壽司、鰻魚壽司、油甘魚壽司、池魚壽司等 個人最鍾意梗係食大拖羅 油脂感滿滿🥰一咬落口入口即溶 肥美無比🙌🏻海膽壽司好鮮甜 紫菜好香脆 好想再encore😂刺身亦都有甜蝦同三文魚選擇 三文魚有一定嘅厚度 甜蝦好鮮甜 可以無限encore好滿足🥰▫️炸物小食方面除咗壽司刺身之外 仲有炸物小食可以選擇 有日式炸雞、天婦羅、炸生蠔、蟹肉忌廉薯餅、炸辛子明太子球、茶碗蒸蛋等 仲有每日限定嘅燒魚鮫和清酒煮蜆 款式唔算多 但全部新鮮製造 味道都唔錯！個人最鍾意食魚鮫 熱辣辣 外脆內軟 油脂感爆登💡味道超級好食！友人就鐘意食茶碗蒸蛋 香滑無比 裏面仲有冬菇 超級推薦！▫️甜品方面抹茶蕨餅、日本滑芝士蛋糕甜品有兩款 兩款都冰凍好食 芝士蛋糕唔會好溜 推薦！