Video
Read full review
2018-12-12
2345 views
前幾日表妹約我哋去觀塘打邊爐，為咗就我哋就喺觀塘碼頭巴士站旁邊有一間幾正嘅火鍋 福翁海鮮薈，顧名思義海鮮應該係主打賣點。價錢大約$300一位，即刻唔使諗飛身出去。去到門口已經見到 $288 無限時任食火鍋，表妹已訂位佢話有着數，安排入座後侍應禮貌地簡單介紹，餐廳裝修都好新，地方大對住魚缸零舍醒神。決定咗食放題之後侍應就自動波送上雞蓉燴燕窩、每人半隻紅燒乳鴿、 全部菜色都新鮮熱辣辣。然後出邊竟然有叉燒可以當小食咁自取，佢啲叉燒真係好好味，肥瘦均勻食到停唔到口。仲未食完第二樣嘢有送上嚟啦！原來預先訂位有優惠，就係每人送我哋半隻芝士焗龍蝦，龍蝦鮮嫩多汁又夠彈牙，爽呀！跟住又有跟住，就係刺身拼盤一大碟，三文魚、泰式蝦、北寄貝、八爪魚⋯⋯ 我影完張相轉頭啲刺身已經俾人食晒！好啦終於食到今晚火鍋主角，鴛鴦鍋底是芫茜皮蛋拼沙爹湯底，有辣有唔辣任君選擇。首先食咗海鮮拼盤，因為新鮮所以快啲食，聖子、貴妃蚌、鮑魚、龍躉片⋯⋯仲有生蝦咁跳，陣容頂級，全部都好鮮甜生猛，真係驚喜都值得加分。我哋四個人有送到一碟極品手切牛頸脊，牛魔王即刻流晒口水，雪花靚、脂肪均勻分布、入口即溶、肉味濃郁。 送的至尊水餃皇，成隻
去到門口已經見到 $288 無限時任食火鍋，表妹已訂位佢話有着數，安排入座後侍應禮貌地簡單介紹，餐廳裝修都好新，地方大對住魚缸零舍醒神。
決定咗食放題之後侍應就自動波送上雞蓉燴燕窩、每人半隻紅燒乳鴿、 全部菜色都新鮮熱辣辣。
然後出邊竟然有叉燒可以當小食咁自取，佢啲叉燒真係好好味，肥瘦均勻食到停唔到口。
仲未食完第二樣嘢有送上嚟啦！原來預先訂位有優惠，就係每人送我哋半隻芝士焗龍蝦，龍蝦鮮嫩多汁又夠彈牙，爽呀！
跟住又有跟住，就係刺身拼盤一大碟，三文魚、泰式蝦、北寄貝、八爪魚⋯⋯ 我影完張相轉頭啲刺身已經俾人食晒！
好啦終於食到今晚火鍋主角，鴛鴦鍋底是芫茜皮蛋拼沙爹湯底，有辣有唔辣任君選擇。
首先食咗海鮮拼盤，因為新鮮所以快啲食，聖子、貴妃蚌、鮑魚、龍躉片⋯⋯仲有生蝦咁跳，陣容頂級，全部都好鮮甜生猛，真係驚喜都值得加分。
我哋四個人有送到一碟極品手切牛頸脊，牛魔王即刻流晒口水，雪花靚、脂肪均勻分布、入口即溶、肉味濃郁。
送的至尊水餃皇，成隻大蝦都放得入裏面，勁啊！
其實飽到咁都已經食唔到任點任食嘅配菜，我當然主力點蔬菜啦！其實仲有美國肥牛、炸響鈴、墨魚滑等新鮮美味，大致上質素都明顯高級。
雪櫃有多款汽水任飲，最緊要就係完美句號有雪糕食，呢個價錢真係抵食，非常豐富的一餐，下次有機會一定帶埋朋友嚟！
Post
