Video
Read full review
2024-02-08
87 views
作為壽喜燒控見到新開嘅專門店梗係要試下🐮 餐廳環境舒服，有bar table 可以望住師傅煮食，亦都有卡位可以選擇！今次去食晚餐，食材高質，份量充足，性價比非常高👍🏻 職員服務貼心友善，會不時同客人互動，我亦好鍾意佢上菜嘅速度，真係唔錯嘅sukiyaki 體驗💯 /Sukiyaki Dinner Set $680/坐底揀好套餐之後，師傅就送上先付，係海膽和牛他他🤩 starter 用料已經咁驚人😱 係一個好開始🤪之後就係前菜，一個木盒放係你面前非常有神秘感😂 一打開入面有幾款小食，賣相好精緻，水雲酸酸地非常開胃，之後有個凍嘅蒸蛋口感順滑，另外仲有一粒加左柿乾嘅芝士，味道幾有趣🧀 師傅之後攞一碟牛出黎介紹🤩個人幾鍾意佢一次過可以試到3款A4和牛！分別有肉眼、西冷、肩肉🐮 和牛雪花均勻，色澤一流🤩 另外仲配搭5款日本野菜，師傅都好貼心問有冇嘢唔食/ 食物敏感，因為係可以轉其他食材嘅👍🏻和牛由啖味嘅肉眼食到濃味嘅牛肩肉，睇住師傅煮牛肉，聽到渣渣聲，聞到和牛香味，真係令人流曬口水🤤 壽喜燒汁用左牛肉熬煮，味道甜甜地之餘更加香口！肉質方面，每款都非常細膩，點埋雞蛋口感更加順滑，仲可以減低油膩感，
今次去食晚餐，食材高質，份量充足，性價比非常高👍🏻 職員服務貼心友善，會不時同客人互動，我亦好鍾意佢上菜嘅速度，真係唔錯嘅sukiyaki 體驗💯 /Sukiyaki Dinner Set $680/
坐底揀好套餐之後，師傅就送上先付，係海膽和牛他他🤩 starter 用料已經咁驚人😱 係一個好開始🤪
之後就係前菜，一個木盒放係你面前非常有神秘感😂 一打開入面有幾款小食，賣相好精緻，水雲酸酸地非常開胃，之後有個凍嘅蒸蛋口感順滑，另外仲有一粒加左柿乾嘅芝士，味道幾有趣🧀
師傅之後攞一碟牛出黎介紹🤩個人幾鍾意佢一次過可以試到3款A4和牛！分別有肉眼、西冷、肩肉🐮 和牛雪花均勻，色澤一流🤩 另外仲配搭5款日本野菜，師傅都好貼心問有冇嘢唔食/ 食物敏感，因為係可以轉其他食材嘅👍🏻
和牛由啖味嘅肉眼食到濃味嘅牛肩肉，睇住師傅煮牛肉，聽到渣渣聲，聞到和牛香味，真係令人流曬口水🤤 壽喜燒汁用左牛肉熬煮，味道甜甜地之餘更加香口！
肉質方面，每款都非常細膩，點埋雞蛋口感更加順滑，仲可以減低油膩感，肉眼同埋西冷就可以配搭蘭王蛋，肩肉就配上無菌蛋，非常講究🤣
食完牛肉同埋野菜之後仲有炒滑蛋飯🤩 係充滿和牛汁嘅鍋到炒滑蛋真係不得了🤣吸收曬和牛精華！
食飽飽之後仲有重頭戲🤣 師傅從後抬左部日本直送嘅手動刨冰機出黎😂 外型有d 復古，非常有趣，刨冰係用日本直送嘅水整成🍧 味道分別有抹茶紅豆同埋藍莓乳酪，口味時不時會轉🤣👍🏻 事關個日平日夜晚去人流唔算好多，師傅竟然問我同友人想唔想自製刨冰😂 係一個非常有趣嘅體驗😂 刨冰加上抹茶醬、煉奶同埋紅豆味道一流，刨冰仲有d 咬口，凍冰冰用黎解膩非常唔錯👍🏻
整體黎講係非常唔錯嘅sukiyaki 體驗！由前菜到甜品每樣野食都好高質，同埋好鍾意師傅同客人嘅講解同交流，令成個用餐體驗昇華💯
Post
