樓下冰室 (Closed)

荃灣呢區出名多野食，今次黎到食openrice好評如潮既冰室！係限聚令底下，星期三間餐廳晚市都滿滿地，可想而知平時係幾咁多人食。餐牌都好用心。瑞士雞翼。（$38）3隻全翼黎講都幾抵食。佢既瑞士汁好好味，係有少少甜既果一種。雞翼都好入味，而啲肉質都保持到。口水雞飯 （$58）口水雞既醬汁好掂，同埋都真係幾辣下。雞同飯既份量都幾多，女仔要記得叫少飯啦。公司三文治（$58）賣相好吸引，仲超級超級豐富！ 餡料有 火腿、蛋、生菜、雞肉等等，沙律醬都夠多，仲配埋唔少薯角，十分抵食！