Video
Read full review
2022-05-10
294 views
📍鍋心八鮮蒸鍋（太子）蒸鍋海鮮好足料，仲有送燉湯同埋甜品，二百幾蚊除咗食得有質素，仲食到好飽肚，絕對值回票價💖而且環境一啲都唔會侷促逼夾，如果去厭咗茶樓，可以帶埋長輩一齊去食蒸鍋，有新鮮感得嚟，一家大細都啱食㗎一坐低就俾燉湯我地飲，再慢慢揀海鮮🤎沙參玉竹燉雞腳湯首先真係好足料，每碗都有兩隻雞腳㗎，好滋潤，湯好鮮甜，啲雞腳都燉到好淋，非常入味鍋心八鮮蒸鍋有3個套餐（2人起)我揀咗✅肉蟹餐$228✅龍蝦餐$248肉蟹龍蝦餐$278所有套餐都係免加一🤎肉蟹(金銀蒜)肉質肥美厚實，鮮甜美味，再加埋金銀蒜，絕對係最佳之選🤎龍蝦(金銀蒜)龍蝦夠曬大隻，肉質好彈牙，仲啖啖肉添🤎白蜆(泰式醬)白蜆比想像中大隻，好有肉地，同埋值得一讚嘅係一粒沙都冇，處理食材方面好認真👍🏻，泰式醬有少少青辣椒，辣辣地，味道好特別，配埋白蜆嘅鮮，好夾而且開胃。💖仲可以自選6款海鮮或肉類，每款海鮮都可以配搭不同醬料:清蒸，泰式醬，金銀蒜，剁椒，古法豆醬，紅糟醬，一定有款醬啱大家口味😋😋仲有，每款海鮮都配搭一款蔬菜，營養一定均衡👍🏻🤎鮑魚 (果皮蒸)鮑魚蒸到啱啱好，唔會韌，幾爽口，仲有淡淡的果皮香🤎海蝦 (泰式醬）海蝦配泰式醬
📍鍋心八鮮蒸鍋（太子）
蒸鍋海鮮好足料，仲有送燉湯同埋甜品，二百幾蚊除咗食得有質素，仲食到好飽肚，絕對值回票價💖而且環境一啲都唔會侷促逼夾，如果去厭咗茶樓，可以帶埋長輩一齊去食蒸鍋，有新鮮感得嚟，一家大細都啱食㗎
一坐低就俾燉湯我地飲，再慢慢揀海鮮
🤎沙參玉竹燉雞腳湯
首先真係好足料，每碗都有兩隻雞腳㗎，好滋潤，湯好鮮甜，啲雞腳都燉到好淋，非常入味
鍋心八鮮蒸鍋有3個套餐（2人起)
我揀咗
✅肉蟹餐$228
✅龍蝦餐$248
肉蟹龍蝦餐$278
所有套餐都係免加一
🤎肉蟹(金銀蒜)
肉質肥美厚實，鮮甜美味，再加埋金銀蒜，絕對係最佳之選
🤎龍蝦(金銀蒜)
龍蝦夠曬大隻，肉質好彈牙，仲啖啖肉添
🤎白蜆(泰式醬)
白蜆比想像中大隻，好有肉地，同埋值得一讚嘅係一粒沙都冇，處理食材方面好認真👍🏻，泰式醬有少少青辣椒，辣辣地，味道好特別，配埋白蜆嘅鮮，好夾而且開胃。💖
仲可以自選6款海鮮或肉類，每款海鮮都可以配搭不同醬料:清蒸，泰式醬，金銀蒜，剁椒，古法豆醬，紅糟醬，一定有款醬啱大家口味😋😋仲有，每款海鮮都配搭一款蔬菜，營養一定均衡👍🏻
🤎鮑魚 (果皮蒸)
鮑魚蒸到啱啱好，唔會韌，幾爽口，仲有淡淡的果皮香
🤎海蝦 (泰式醬）
海蝦配泰式醬簡直一流，海蝦嘅鮮甜加上惹味又辣辣地嘅泰式醬，好fresh😋
🤎魷魚腸粉 (紅糟醬)
魷魚腸粉真係第一次試，所以好期待✨，魷魚同腸粉意外地好夾，口感好有層次，魷魚好爽腸粉夠晒滑，配埋酸酸地嘅紅糟醬好醒胃
🤎貴妃蚌 (清蒸)
清蒸食到原汁原味嘅貴妃蚌，好鮮，好爽甜，仲有啲蚌汁🫶店家洗得好乾淨，一啲沙都冇㗎👍🏻
🤎聖子(金銀蒜)
聖子好肥美，加埋蒸好咗嘅蒜頭，配埋聖子嘅清甜肉汁一齊食，有淡淡的蒜香之餘，亦唔會蓋過聖子嘅鮮。
韓醬蒸豬頸肉(小辣)
韓醬蒸豬頸肉分量都足夠多，而且韓醬都好地道，幾好食，怕辣嘅朋友都唔會怕食唔到😉，辣到恰到好處，適合香港人。
食完海鮮之後仲有八寶飯有成30款配料可以選擇，隨自己喜好自選8款配料，最後仲有甜品🤩🤩
🤎八寶飯
我揀咗蝦醬豬腩肉，秘製雞軟骨肉餅，醬油漬牛脷，沙嗲豬頸肉，臘腸，鮮淮山，芋頭，雞髀菇。蒸完之後加埋花生，蒽，豉油拌勻，口感豐富，而且蒸飯用米同普通喺屋企食嘅唔同，非常有口感，好煙韌，配料都好足，每一樣嘅份量都好多，如果已經食飽咗嘅話仲可以打包走添。
最後竟然仲有甜品
🤎木瓜雪耳糖水
味道清甜，雪耳都好大舊，食完好解八寶飯嘅膩，而仲夠曬冰涼，好滿足😋😋👍🏻
Post
