御老鍋台式火鍋 (Closed)

📍御老鍋台式火鍋台灣火鍋之所以咁出名，就係因為佢哋嘅湯底用心調配，真材實料，呢一間火鍋店，亦都唔例外，呢度出名嘅就係佢哋八個火鍋湯底，上枱滾起之後都可以直接飲，即使之後再加水亦都唔會整到好淡味。👅膠原蛋白美人鍋 $238呢個湯底完全係女士恩物。入面有原隻烏雞，夠哂滋陰，有巨量桃膠，有好豐富既膠原蛋白，仲有枸杞，南棗同埋金華火腿而熬製出黎，上枱已經飲左兩碗🤤👅 西班牙-極品黑豚肉眼卷 $158豚肉油脂比例平均，唔食牛嘅朋友可以試下，擺盤亦都好靚🫶🏻👅 魚花膠筒 $168 珍寶羊肚菌 $148呢兩款都係女士一定要叫既補品，記住羊肚菌淥一陣就要夾上嚟食，好有口感，唔係好多地方可以食👅 八燈報喜 $118呢個打卡一流😍有個大千秋～上面有黑松露蝦丸，燒鵝肝蝦丸，海膽墨魚丸同黑椒牛中牛肉丸，每款有兩粒，我個人最鍾意黑松露蝦丸，超級彈牙亦都好香。👅 手拍小青瓜 $48 麻辣鴨血 $48鍾意食辣，又有啲口痕，所以叫咗呢兩個小食，鴨血好食，唔食辣嘅朋友都可以試吓，本來想追加多一碗，不過太飽😂👅 山水滑豆腐 $48 黑雲耳 $58 自家水耕油麥菜苗 $68黑雲耳可以補血同預防冠心病，今次養生鍋當然要叫埋