佐賀燒肉谷 (創紀之城五期(apm))

Open Now

Now Closed

食過好多間燒肉放題，呢間質素高！鍾意食牛或者海鮮嘅值得try try❣️😋呢度主打燒肉放題，有分Lv1-4, Lv 3-4就有120分鐘任食,揀左個Lv 3,係澳洲和牛海鮮放題。入座後就好快送左一盤display好靚既和牛同海鮮，賣相極佳！可以試下唔同既牛，鐘意邊樣可以再落單追加任食！個人最愛澳洲和牛上級牛胸腹，厚牛舌都好味！🤤😋仲有一條勁大條既封門柳，封門柳既部份，每隻牛得一條！呢條真係勁長！我諗食一條都好夠，如果唔係食唔到其他🤣肉味香濃，口感軟淋。除左和牛，仲有海鮮，海鮮又係好多選擇！呢期最新有白鱔，點鰻魚汁超超超好食！另外生蠔同鮑魚都好新鮮肥美，好食推介👍甜品方面，除咗雪櫃嘅入面嘅小卷蛋、泡芙、蕨餅 之外，自助區有軟雪糕，今期係朱古力同雲呢拿味，個朱古力味都幾香濃，好邪惡!忍唔到口,食左2支先走🥰成個放題有足2個鐘慢慢食,唔會好chur,感覺好好!環境舒適，服務又好好，員工態度友善，會主動幫手。