睿和牛燒肉 (Closed)

大坑向來好多美食，今日好想食日本野，經過二話不說就入去左。餐廳主打食燒肉，不過餐牌其實都有好多選擇。小吃方面有枝豆 $20，佢係用用醬油代替鹽，第一次試，幾有新鮮感，有D甜味，但又唔會太咸。凍日本蕃茄配柚子汁 $68新鮮蕃茄好大粒又清甜，配左柚子汁酸甜，好開胃。牛既醬料包括有海鹽混黑胡淑, 麵豉醬, 及燒肉醬汁, 店員話全部都係師父親自調教的份量。主角黎喇，好有驚喜，成個盤都係牛，仲要件件肉好厚，而且顏色粉嫩好吸引！成盤有5個部位，A5牛三角，西冷，牛舌，牛肋骨，牛頂蓋。而最愛的厚切牛舌有六大件， 侍應哥哥又好好人，間中都會落手燒下，佢亦都控制得不錯，燒到出面脆脆地，每件牛都好軟又好JUICY，油脂豐富，口感好嫩。牛既油脂烤過之後轉放入口好香。成個拼盤仲有蔬菜燒下，可以食下肉又有食下菜，感覺冇咁飽滯，同無咁濟，感覺上健康些小。