Running 燒 (Closed)

之前其實已經食過幾次，每次都唔記得咗寫食評😆今次終於記得影相就寫吓😊一入嚟已經覺得去咗韓國咁，坐嗰張凳仲好貼心可以揭起放自己嘅私人財物☺️咁就唔使一大浸油煙味。食物方面，前菜有兩款我都幾推薦，芽菜同沙律都好高質，芽菜清爽彈牙，好有芝麻油香，又唔會太辣，開胃又美味。沙律🥗有滿滿嘅芝麻醬，幾粒好甜嘅車厘茄😜令人不自然再encore。主菜方面A5和牛真係最正🫶🏻加錢upgrade放題係冇錯，和牛入口即溶，油花均勻，配埋沙律菜一齊食多幾件都唔會膩。總結，大家鍾意食牛嘅話一定要選擇有和牛嗰款放題。