富豪酒家

Open Now

Now Closed

帶住條魚🐠搵食之尖沙咀The one 名貴中菜阿翁鮑魚連續13年獲得米芝蓮一星餐廳《富豪酒家》商務套餐$780有>例湯>4款小菜>糖水先黎個〈荷芹炒臘味〉，啲荷蘭豆保持咗豆嘅脆嫩口感，清甜爽口，荷芹炒臘味嘅醬汁用得啱啱好，唔會太鹹太油，令臘味嘅鹹香同荷蘭豆嘅清新都能夠充分發揮。之後有〈花生炆豬手〉，啲花生炆得入味，真係食唔停口，而啲豬手冇腥味肉質鮮嫩，完全無啲起筋嘅膠感，入口即化，炆豬手嘅醬汁濃郁，入邊香料嘅香氣混合炆煮出嚟，令啲豬手都充分吸收咗啲味道。〈大芥菜豬骨煲〉啲豬骨煮得入味濃郁，充滿豬骨本身嘅鮮甜，每一啖都帶有濃郁嘅肉香。湯底裡嘅大芥菜為整個湯品增添清新口感，令湯味道更加豐富，呈現出一種濃郁而不油膩嘅滋味。最後有〈富豪炸子雞〉，啲雞皮炸得金黃酥脆，一啖落去即時爆汁，每一啖都充滿著雞肉的鮮嫩，炸子雞嘅調味恰到好處，雞肉的大小都啱啱好，入口方便，不會太大舊。