麻辣風雲 (荃碧大廈) (Closed)

幾年前去過成都同重慶，個段日子對於一個唔食得辣又嗜辣既人真係痛並快樂着，皆因當地人食辣水平太高好難就到我個食辣廢柴。終於係香港遇到《麻辣風雲》，全部叫最少辣，我輕鬆carry到既辣度。有人話四川菜唔辣點會好食，其實唔應該咁樣去評，辣係一種濃烈既調味，拎開佢依然展示到廚藝，咁先叫功底。唔係好熟川菜，但係四川都食過幾日，憑住記憶去叫，一碟涼拌皮蛋係我每次必叫，但依碟係失敗中既失敗，隻皮蛋十分難食，調味都救唔返。拌料有蒜蓉同辣椒醬，坦白講辣椒油味道唔夠亮眼，加埋蒜蓉令人疑惑，所以俾咗差評。最近迷上炸饅頭，嚟到見到又要叫，煉奶食得出唔係鷹嘜，失色，饅頭唔黏牙，唔會太甜或者太油，合格。全枱最香係干鍋鮑魚仔，一路燒緊一路滲出香味，眼見好多辣椒但其實一d都唔辣，師傅完全照顧到我既辣度，食得辣既朋友可以叫再辣d，應該會更好食。鮑魚仔份量好夠，都算入味，藕片好脆，爽，推薦大家試一試。京蔥牛肉份量好多，牛肉食極都有，嫩滑少筋夾住一片京蔥一齊食，好滋味，碟菜本身係唔辣，唔食得辣既朋友可以叫豬油渣炒時菜係我幾期待既一道菜，因為宜家唔係度度都夠膽用豬油渣炒菜，d豬油如果唔靚或者擺太耐會有油up味，炸得唔靚食落就