Video
Read full review
2020-10-18
303 views
呢間堅離地7po係新開冇耐嘅，不過個餐廳名已經夠哂特別，同路人一定會明。留意返，雖然個地址寫住喺佐敦，但間餐廳係近柯士甸，個位置都比較隔涉，喺文苑街果邊，係多嘢食但夜晚都算靜。而本身呢啲特色餐廳，俾我嘅感覺多數係啱打卡仲多過食嘢，不過呢間就改變咗我呢個睇法。餐廳裝潢、餐具同裝飾品都係走土耳其風格為主，真係幾靚幾啱影相打卡，不過果時太多人，廢事周圍走，阻住職員做嘢，另外，6點幾嚟到都幾乎爆場，夜晚點都一定要book位。而餐廳老闆曾經去過土耳其學過煮土耳其菜，再加以改良，盡量貼近香港人嘅口味，啲嘢食好食得嚟好啱口味，唔會太鹹太重口，容易接受，食物同環境嘅水準高，價錢唔算貴，本身會送埋嘢飲，不過建議樓面請多個人幫手，見得一個人做超忙，好多時唔得閒理啲客或出面嘅人，忙到我哋要等幾個字、佢望到我哋先叫到嘢食～📍乳酪黃咖喱雞 配中東香草飯 $126我呢啲唔係好食得辣嘅，都覺得黃咖喱算係唔辣，再混埋酸忌廉，好入味。雞肉肉質嫩滑，而中東飯啲飯粒本身係比較乾硬，但我都接受到，唔算難入口📍中東串燒 配中東中東皮塔餅 $168雞同羊各2串，一串有4、5舊肉，仲有青椒、紅椒同洋蔥，食
呢間堅離地7po係新開冇耐嘅，不過個餐廳名已經夠哂特別，同路人一定會明。留意返，雖然個地址寫住喺佐敦，但間餐廳係近柯士甸，個位置都比較隔涉，喺文苑街果邊，係多嘢食但夜晚都算靜。而本身呢啲特色餐廳，俾我嘅感覺多數係啱打卡仲多過食嘢，不過呢間就改變咗我呢個睇法。
餐廳裝潢、餐具同裝飾品都係走土耳其風格為主，真係幾靚幾啱影相打卡，不過果時太多人，廢事周圍走，阻住職員做嘢，另外，6點幾嚟到都幾乎爆場，夜晚點都一定要book位。
而餐廳老闆曾經去過土耳其學過煮土耳其菜，再加以改良，盡量貼近香港人嘅口味，啲嘢食好食得嚟好啱口味，唔會太鹹太重口，容易接受，食物同環境嘅水準高，價錢唔算貴，本身會送埋嘢飲，不過建議樓面請多個人幫手，見得一個人做超忙，好多時唔得閒理啲客或出面嘅人，忙到我哋要等幾個字、佢望到我哋先叫到嘢食～
📍乳酪黃咖喱雞 配中東香草飯 $126
我呢啲唔係好食得辣嘅，都覺得黃咖喱算係唔辣，再混埋酸忌廉，好入味。雞肉肉質嫩滑，而中東飯啲飯粒本身係比較乾硬，但我都接受到，唔算難入口
📍中東串燒 配中東中東皮塔餅 $168
雞同羊各2串，一串有4、5舊肉，仲有青椒、紅椒同洋蔥，食落好juicy。就咁食又得，或者沾上酸忌廉，將啲材料夾落餡餅嚟食又得，更加入鄉隨俗。本身我唔食羊肉因為怕羶味但佢呢個就真係冇乜羶味，令到我都接受到羊肉，好惹味。唯獨係餡餅份量少咗啲，摵開一半，兩個人各自食都淨係夠夾2串肉。
📍無花果石榴沙律 $65
平時比較少食無花果同石榴，但呢種水果混埋原來都幾夾，再加埋黑醋、檸檬汁果啲係幾開胃，沙律份量都好大
📍密戀荔枝玫瑰 $48
荔枝味都比較重
📍凍朱古力 $39
係幾好飲但未去到特別，好似menu所指咁值得推介
Post
