東京街日本料理 (馬頭角道)

Open Now

Now Closed

公司附近新開左一間日本料理外賣店。平時，經過見好多人幫襯。今日屋企人冇煮飯，就買咗外賣返屋企食。買咗刺身，芒果沙律同一個三文魚帶子甜蝦飯定食套餐。定食套餐包埋沙律同面豉湯，十分抵食。而家仲有9折優惠。~~刺身（三文魚同甜蝦）三文魚好厚切。睇到三文魚d魚紋就知好新鮮，食落好香油脂味，口感同味道都一流。甜蝦大大隻，食落好彈牙同鮮甜。~~芒果沙律芒果酸酸甜甜，青瓜絲切得好幼，加埋d蟹子，蟹柳同沙律醬一齊食，好開胃。~~三文魚腩帶子甜蝦飯定食套餐三文魚腩好厚肉，食落好肥美，好新鮮。帶子好大粒，食落好爽口同鮮甜。甜蝦食落好彈牙。套餐跟個個面豉湯都一d都唔馬虎，好濃味，又唔會太鹹。