淳吟居酒屋 (Closed)

［佐敦］淳吟居酒屋.鮟鱇魚肝食剩指數:0/100魚肝好軟滑一啲都唔腥配柚子醋酸酸地幾開胃仲有啲海帶增加口感.串燒柚子胡椒雞腿肉食剩指數:0/100雞腿肉肉質嫩滑表面有3點柚子胡椒醬每一啖都食到柚子香味.海鮮大阪燒 食剩指數:0/100大阪燒鋪滿木魚碎入面海鮮有蝦有魷魚仲有豚肉片粉漿質感唔會好硬口感好軟熟加埋沙律醬同燒汁味道好豐富.明太子飯糰食剩指數:0/100飯糰表面燒過好香明太子味道唔會好辣加左醃菜少少既咸味好合適.軟棉蝦夷鹿肉漢堡兩食(味噌燒茄子）食剩指數:0/100鹿肉喺香港好少有得食比牛肉更軟身配上味噌醬汁日式漢堡既感覺味噌燒茄子有兩小塊好入味又唔會過咸.關東煮🍢食剩指數:0/100呢個係日常餐牌見唔到既菜式如果當日板上有既話都幾推薦大家食關東煮味道同日本食一樣佢有竹輪、蒟蒻、蛋、魚餅、釀冬菇等食到竹輪同蒟蒻就知佢有幾入味而較特別有釀冬菇同雞肉餅釀冬菇係兩半片冬菇夾住蝦膠平時好少見到