天海 (Closed)

之前睇一個日本人介紹呢一間天婦羅omakase ，睇片好吸引，座位得10個所以好full，即刻上網book位都要等兩個月，點知臨有得食之前師傅返咗日本，又要遲多一個月先有得食，最終今日食到，真係好感動，等咁耐都值得🍤Omakase 得一個餐，全部都係天婦羅，作為一個天婦羅控真係超吸引，無論海鮮定蔬菜，都炸得好好食，材料新鮮，炸漿好薄，唔會油，一炸起即刻食好正印象深刻嘅係秋刀魚，炸完個樣都仲好生猛😆造型keep住，唔知係咪日本人嘅細心呢？前菜加8款天婦羅同炒飯，甜品，唔大食嘅夠飽，諗住一場黎到仲追加左兩樣嘢，炸蝦海膽手卷、和牛壽喜燒，兩樣都超好食，壽喜燒好食過其他餐廳😁另外環境乾淨，服務態度有禮，準時，真係好有日本感覺，如果遲到係冇得食咖，所以全部人都好準時，抵讚👍🏻