100
8
4
Level1
2
0
高質好味炸雞
2021-12-20 462 views
聖誔前，同小朋友去吓玩具街，順道上西九8樓食嘢，勝在多選擇。行過見呢間多人排隊，又好耐冇食韓式炸雞，就試吓佢。叫左3個餐加2個特色薯條，套餐價錢唔算貴，有3件雞，2细件年糕+1個细飯及飲品，都只係$4X。小店有7款炸雞，我揀左原味，辣味及芝士味。原味炸雞咬落香脆多汁，小店配上黄芥末，幾夾，好食。辣雞無論在外貌及香味都好韓國，香辣感覺惹味，會令人再想食多D，只可惜沒有啤酒。芝士炸雞係本人最愛，回想去韓國旅行，都會去bhc食芝士炸雞，在香港間中都去bhc，但始终同韓國有D距離，但估唔到這間小店竟然可以神還原韓國才食到既芝士炸雞，而且價錢平咁多，真係好有驚喜，仲要我係最後才食，炸雞仍然能够保持香脆，這應是厨師既功力。套餐還有2件小年糕，年糕既味道係跟雞既，即係你點辣雞，年糕就辣，你揀芝士味，年糕就係芝士味，都幾好。细飯也有2種味，其中卡邦尼較好，只係個汁多少少就仲好，下次叫多汁。叧外加左2個薯條，分別係辣味及紫菜，其實都好好食，小店用了波浪粗薯，既能上到味粉，又能炸到外脆内軟，聰明，只係炸雞太出色，薯條就只能繼續做(綠葉)。下次我會試外賣，反正個皮可以保持咁耐，—定要配上啤酒食全隻(芝士炸雞
Read full review
聖誔前，同小朋友去吓玩具街，順道上西九8樓食嘢，勝在多選擇。行過見呢間多人排隊，又好耐冇食韓式炸雞，就試吓佢。叫左3個餐加2個特色薯條，套餐價錢唔算貴，有3件雞，2细件年糕+1個细飯及飲品，都只係$4X。小店有7款炸雞，我揀左原味，辣味及芝士味。原味炸雞咬落香脆多汁，小店配上黄芥末，幾夾，好食。辣雞無論在外貌及香味都好韓國，香辣感覺惹味，會令人再想食多D，只可惜沒有啤酒。芝士炸雞係本人最愛，回想去韓國旅行，都會去bhc食芝士炸雞，在香港間中都去bhc，但始终同韓國有D距離，但估唔到這間小店竟然可以神還原韓國才食到既芝士炸雞，而且價錢平咁多，真係好有驚喜，仲要我係最後才食，炸雞仍然能够保持香脆，這應是厨師既功力。套餐還有2件小年糕，年糕既味道係跟雞既，即係你點辣雞，年糕就辣，你揀芝士味，年糕就係芝士味，都幾好。细飯也有2種味，其中卡邦尼較好，只係個汁多少少就仲好，下次叫多汁。叧外加左2個薯條，分別係辣味及紫菜，其實都好好食，小店用了波浪粗薯，既能上到味粉，又能炸到外脆内軟，聰明，只係炸雞太出色，薯條就只能繼續做(綠葉)。下次我會試外賣，反正個皮可以保持咁耐，—定要配上啤酒食全隻(芝士炸雞)
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2021-12-19
Dining Method
Dine In
Spending Per Head
$50
Recommended Dishes
  • 芝士炸雞