大丈夫食堂 (Moved) New Location

本身放工無咩做，就約朋友去搵食好東西。最近發現長沙灣、深水埗都開咗唔少新餐廳，所以今晚就是但選擇咗一間去食。大丈夫食堂一間唔係太接近大馬路嘅餐廳，近明愛果邊，都用咗少少時間搵。門外不怎麼樣，門內卻別有洞天。與朋友一人叫咗一個定食，鹽燒鯖魚定食同三文魚腩定食。鯖魚不是一種新嘅食材，不過好多坊間嘅食鋪都唔係整得太好，一係就冇味，一係就唔夠新鮮。今次呢到嘅鯖魚定食就好有味道，鹽香嫩魚肉加上已經灸燒到脆身嘅魚皮，口感一流，配上日本珍珠米，簡直係味覺嘅極致～至於友人嘅三文魚定食，引用友人講嘅「無憾了」嚟形容就是最好不過。重點係家陣呢個物價高漲嘅時代，100蚊以內食到飯，仲要高質嘅，已經好滿足，一定會再幫襯！