大丸ラーメン

Open Now

Now Closed

連續唔記得帶SD卡兩次...最後排左三次隊先出到呢個Po....貝丸 $108期間限定口味，上面有5隻大花甲，味道極鮮。拉麵用嘅係幼麵，爽口彈牙。叉燒用低溫慢煮，嫩滑無渣。配合海鮮主題嘅拉麵，我選擇左鹽味湯配合檸檬，令拉麵更為清爽，一洗豚骨拉麵嘅油膩感。.白丸 $88都係鹽味豚骨湯底加檸檬，比起貝丸少左一份海鮮嘅鮮甜，但更能體現豬骨嘅濃厚。整體表現同貝丸相近。.環境其實幾好，木製嘅吧檯為店鋪增加一分日本味。不過地方比較淺窄，行入舖頭比較辛苦。同埋門口排隊嘅人有D多，你都唔好意思食完坐係度啦🤣🤣🤣店員姐姐十分貼心，見到我拎住相機同大袋，主動比多張凳我放嘢。另外餐廳有準備到冰水，超級好評。