Coffee by Zion

Open Now

Now Closed

公司附近開咗越來越多小店，返工唔係咁忙嘅時間我多數都會喺小店度坐返個零兩個鐘，見到呢間小店一出地鐵站行過對面馬路就係，咁方便就揀你嚟試吓。餐廳有lunch set，三文魚牛油果沙律，超級大份，額外加$18點咗炒雜菇，另外加錢再叫咗個烤蕃茄，估唔到呢10幾蚊係咁超值，因為係另外碟上而且份量都唔少，最開心係真係好好味，炒菇一啲都唔苦，味道好香濃，咁大個蕃茄烤完之後竟然超級甜，令到一份原本平平無奇嘅沙律，因為呢兩樣配菜變得非常之精彩。Lunch加錢可以飲杯靚咖啡，但竟然有晒拉花，賣相唔止靚，而且味道都好好，咖啡味濃郁，簡直係提神之選。原來呢度連甜品都有得食，忍唔住點左一份窩夫，非常有驚喜，因為窩夫即叫即整，食入口外脆內軟，連埋雪糕一齊食，冰火嘅感覺太正，成餐lunch真係大滿足。