shh Cafe

Open Now

Now Closed

喺尖沙咀見到呢間Cafe，我覺得好吸引，地下係Cafe，樓上係按摩店，裝修行小清新路線，望落去已經好舒服。我哋點咗二人餐，頭盤係神石榴帶子香草油醋沙律，帶子煎得啱啱好，食落去好嫩滑，沙律加上神石榴，令口感豐富不少。蒜香牛油白酒煮蜆份量好多，顯好大隻，全部都冇沙，配上蒜香牛油汁，甚是滋味。主菜方面選擇咗澳洲"36° South" MB2+穀飼西冷配紅酒黑醋汁，塊扒好大，而且配菜都好多，配菜有個脆脆，配合醬汁，成件事好夾。牛扒點五成，肉質結實，牛味濃郁。另外一個主菜係墨汁魷魚圈三文魚籽意大利飯，入面另有好多蘑菇，魷魚圈好新鮮，三文魚籽更有提鮮作用，出色！是日甜品係士多啤梨芝士蛋榚同埋Tiramisu窩夫，兩個甜品都唔會好膩好甜，配上餐茶伯爵茶，為呢餐晚飯畫上圓滿嘅句號。