北海道爐端燒 (Closed)

今日又想食日本野，同事就推介左一間喺尖沙咀嘅居酒屋，所以就去食下。呢度嘅裝修真係好日本風，好似去咗日本食野咁啊。呢間餐廳都幾多選擇，我哋最後就揀咗：庵鶉蛋豚肉，浜燒蟹蓋，左口魚邊壽司，精選刺身拼盤（3種），味增湯煎餃子同埋招牌酥脆雞塊。庵鶉蛋豚肉:都幾惹味，但係如果個豚肉juicy d就好！浜燒蟹蓋:喱個真係好好食，佢入面全部都係蟹膏，勁香，整果陣好得意，將個庵鶉蛋打落去，落啲油，再燒，勁好味，推薦大家食！左口魚邊壽司：勁香，入口即溶，同個左口魚邊好肥美，好好食！精選刺身三種：原來係呢度嘅精選刺身係由廚師發板，今日嘅刺身就有帶子，三文魚同埋油甘魚。全部都係我鍾意食嘅，佢嘅帶子上面仲有啲三文魚子，每款刺身都好鮮甜，特別係帶子，都好好味。味噌湯餃子：我個人就覺得呢個餃子普通，但男朋友就覺得幾好味。招牌酥脆雞塊：呢個雞塊就好好食，佢嘅外皮好脆，但係啲肉就好滑呀，勁juicy ，果然係招牌！ 人均消費大概$260 ，以居酒屋來講都幾抵食。