Video
Read full review
2021-09-03
301 views
將軍澳MONTEREY Place哩邊多左好多新餐廳，我之前完全無留意一樓Donki對入原來仲有其他餐廳😂喺哩到要提大家原來搭電梯去一樓Donki，再向右邊行，過條天橋就會見到幾間新餐廳，今次就專登試下哩間日式居酒屋🏮哩到既午市定食由$68至$138都有，豐儉由人，每個定食都有漬物、沙律、茶碗蒸同湯，而且座位有凍麥茶提供，午市定食既白飯仲係無限量供應，啱晒大胃人士。🥩網燒厚切美國安格斯牛西冷丼定食 $138西冷份量好多，而且全部切好晒，好方便食，望落去顏色粉嫩，熟度啱啱好，入口質感軟嫩，西冷上面已經灑上少少鹽，其實就咁食已經好香好好食，佢旁邊仲有蔥油同蒜片，蔥油味道同我地平時食開嗰種有啲分別，但係唔估唔到點西冷食咁正，加埋蒜片一齊食亦係非常香口，好食推介👍🏻🦀️松葉蟹肉，蟹膏及蟹籽丼飯定食 $118飯上面有唔少蟹肉、蟹膏同蟹籽，我就將佢地撈勻晒之後再一齊食，蟹膏味道非常鮮甜，蟹肉亦相當新鮮，加埋蟹籽一齊食成個飯口感更豐富。茶碗蒸非常滑溜，而當日既漬物係中華沙律。🐂厚切牛舌芯 $58/本牛舌芯超級juicy，咬落去真係泌肉汁個種，完全估佢唔到，而且肉質夠軟腍，最特別既地方係佢同西冷一樣配有
哩到既午市定食由$68至$138都有，豐儉由人，每個定食都有漬物、沙律、茶碗蒸同湯，而且座位有凍麥茶提供，午市定食既白飯仲係無限量供應，啱晒大胃人士。
🥩網燒厚切美國安格斯牛西冷丼定食 $138
西冷份量好多，而且全部切好晒，好方便食，望落去顏色粉嫩，熟度啱啱好，入口質感軟嫩，西冷上面已經灑上少少鹽，其實就咁食已經好香好好食，佢旁邊仲有蔥油同蒜片，蔥油味道同我地平時食開嗰種有啲分別，但係唔估唔到點西冷食咁正，加埋蒜片一齊食亦係非常香口，好食推介👍🏻
🦀️松葉蟹肉，蟹膏及蟹籽丼飯定食 $118
飯上面有唔少蟹肉、蟹膏同蟹籽，我就將佢地撈勻晒之後再一齊食，蟹膏味道非常鮮甜，蟹肉亦相當新鮮，加埋蟹籽一齊食成個飯口感更豐富。
茶碗蒸非常滑溜，而當日既漬物係中華沙律。
🐂厚切牛舌芯 $58/本
牛舌芯超級juicy，咬落去真係泌肉汁個種，完全估佢唔到，而且肉質夠軟腍，最特別既地方係佢同西冷一樣配有蔥油，而蔥油既味道同牛舌芯勁夾！我絕對會因為哩個牛舌芯而再黎食佢啲串燒，好食推介👍🏻
整體黎講，餐廳食物真係幾高質，岩曬鍾意食日本野同串燒既人。
🌟溫馨提示🌟
餐廳假日人流比較多，大家記得要早啲book位。
Post
