酩町 (Closed)

收工經過金馬倫道發現有一間新開的高級居酒屋，門外見到環境好似唔錯，而且我又好鍾意試新餐廳，所以同同事入去小酌一杯，順便放鬆下心情。餐廳風格有種江戶時代既感覺，以木系裝修為主調，擺滿日式擺設，有種置身日本既感覺。餐廳主打真·炭火燒烤，高質和牛及日本年度最優秀生蠔「日本一」，食材係由豐洲市場直送，好有驚喜！我地點左兩款串燒，廚師係即點即燒，用炭火燒果然唔同啲，更有焦香味，燒到外脆內嫩，保留左肉汁👍🏻👍🏻餐廳有好多款唔同清酒可以點，我地揀咗兩款唔同既日本純米大吟釀，日本「軍令」及「一滴入魂」，入喉有綿柔感，同時帶微微辛口，非常適合配搭串燒享用。餐廳氣氛好好，店員會主動過黎同客人傾計，我地都盡興而歸，估唔到尖沙咀都有咁高質既餐廳，推薦大家黎試下。值得一提，預先係OpenRice訂座可以有七折優惠，飲多幾杯都唔肉痛😚😚