北海道爐端燒 (Closed)

今晚放工想鬆一鬆，同個同事黎左呢間係尖沙咀啲日本餐廳。一入到去，店員好禮貌咁招呼我地。店內環境都算幾乾淨。呢間日本餐廳啲菜式比較多樣化，而且有我最期待啲海膽，仲要係唔貴，咁當然要點黎試啦！由於好多都好吸引，所以唔覺意點多左。落單無耐，食物陸續黎到。先來個牛油醬油烤鱈白子，一送到黎時，有陣好香啲牛油甜味，食落有濃濃蒜味，口感似麵包，感覺第一個菜式已經唔錯。再黎就係羊架燒，黎啲時候連埋隻醬料在旁，食落都好juicy, 肉質嫩，油脂分布ok，有鹽香，非常交到貨。 跟著有蟹肉膏燒，有海水味好濃郁，膏非常滑，加埋蟹肉魚子燒過好正。然後食左三文魚親子丼，賣相非常豐富，三文魚夠厚，魚子好有咸香，口感好正，三文魚好滑。到我最期待的海膽，非常新鮮，有濃濃海水味，好creamy，超正，仲可以用紫菜包來吃，個人覺得呢個價錢絕對收貨。整體黎講，呢間日本餐廳絕對可以回頭翻食，價錢合理，食物質素高。