醉忘魚屋 (Closed)

朋友又帶咗我嚟食好嘢😍新開嘅樓上居酒屋～睇返餐牌，呢間居酒屋嘅選擇都幾多，而且環境好舒服～日出（蕃茄），蕃茄去皮，入面釀滿啫喱，配上芝麻醬，口感爽脆，份外清新開胃松葉蟹肉拌拖羅蓉，拖羅蓉、蟹肉、黃金飛魚子加上wasabi及醬油拌勻，配上香脆紫菜，口感creamy又鮮甜，非常好食，十分推薦呀！特上刺身四點盛，賣相精緻😍分別有油甘魚、甜蝦、中拖羅及帶子，件件厚切，新鮮有光澤，非常鮮甜肥美汁燒太刀魚，燒得好香，配上香甜嘅醬汁，好惹味鰈魚唐揚，魚肉起骨切件，炸至金黃酥脆，配上柚子沙律醬，味道更突出好香口😋連魚骨都可以食埋，重點係一啲都唔油，正！另外，仲叫咗幾款串燒，分別有豚腩肉、甜蕃薯、一口牛、手羽先及白燒鰻魚，全部都係即叫即燒，好新鮮，多數採用簡單嘅調味，保留原有食材嘅味道，已經好好味