Video
Read full review
2024-05-29
2564 views
九龍灣Mega Box其實有好多餐廳食肆，以前喺嗰度返工會去，而家就少咗。嗰日睇到一個居港日本人網路紅人介紹呢間餐廳，一於今日放工專程去試吓。諗住想食串燒，點知發覺有個一人套餐$498好似好抵食，包沙律、刺身、揚物、燒物、海膽飯、麵豉湯仲有甜品，第二份半價，於是我哋兩個就決定一試。先嚟係牛油果三文魚腩沙律，肥美三文魚切成大大粒，加埋新鮮牛油果放落個充滿醋汁嘅沙律菜撈勻，真係好醒胃！再上就係刺身，一片肥大肉厚拖羅、一片三文魚腩、一片爽脆劍魚，加埋新鮮牡丹蝦，鮮味爆燈呀！然後茶碗蒸、麵豉湯、燒物、揚物陸續上場，全部都正常發揮。最後輪到海膽鰈魚群邊三文魚子飯出場，但我哋其實已經好飽，但貫徹唔浪費食物的原則，全部食晒！仲有甜品忌廉泡芙作結，真係好滿足！！餐廳地方靜靜地，食物有質素，希望有多啲人幫襯啦！我哋已經決定下次去食串燒喇！
諗住想食串燒，點知發覺有個一人套餐$498好似好抵食，包沙律、刺身、揚物、燒物、海膽飯、麵豉湯仲有甜品，第二份半價，於是我哋兩個就決定一試。
先嚟係牛油果三文魚腩沙律，肥美三文魚切成大大粒，加埋新鮮牛油果放落個充滿醋汁嘅沙律菜撈勻，真係好醒胃！
再上就係刺身，一片肥大肉厚拖羅、一片三文魚腩、一片爽脆劍魚，加埋新鮮牡丹蝦，鮮味爆燈呀！
然後茶碗蒸、麵豉湯、燒物、揚物陸續上場，全部都正常發揮。最後輪到海膽鰈魚群邊三文魚子飯出場，但我哋其實已經好飽，但貫徹唔浪費食物的原則，全部食晒！仲有甜品忌廉泡芙作結，真係好滿足！！
餐廳地方靜靜地，食物有質素，希望有多啲人幫襯啦！我哋已經決定下次去食串燒喇！
Post
