Video
Read full review
2023-09-21
45 views
串燒放題❗️係放題❗️仲要唔使自己郁手，個爐識得轉轉轉，啱啱懶人串燒控🤣呢間喺觀塘嘅串燒屋，裝修簡潔，而且通風做得唔錯，全場爆滿都唔會太大油煙，仲有手機掃QR code落單，唔怕店員太忙而叫唔切嘢食，非常方便👍🏻超過50款嘅選擇，真係花多眼亂，好彩有2.5個鐘食，可以慢慢試均再encore都仲得😆，以下係太子妃嘅推介🙌🏻🌟海鮮類 ➡️燒蠔同青口係必食之選😎，唔好以為放題會將價就貨，蠔身同青口都大大隻非常飽滿，蒜蓉鋪晒面，燒起上嚟香氣四溢🤤🌟豬牛類➡️厚切牛舌燒到脆皮而唔靭，咬落仲非常爽口，激讚👍🏻👍🏻➡️牛仔骨切到好薄，網燒一陣就熟成，牛味濃又唔會過咸➡️另外推介嘅係泰式豬頸肉❤️，店家用咗香茅醃製，食落極之惹味，忍唔一串又一串🤭🌟其他燒物蒜蓉茄子➡️燒到淋晒嘅茄子，一夾就產起晒一絲絲，撈埋蒜蓉來食好香口😚雞腎➡️見到大大舊仲擔心好難咬，點知一樣係咁爽口，仲有原味同麻辣兩種口味，滿足不同喜好🫶🏻厚燒玉子➡️甜甜嘅蛋香，燒到燶燶地最正😍🌟炸物睇住d串燒轉轉下又未食得，呢個時候最好就係試下d炸物，蠔、蝦、芝士魚條、棒棒餃子、雞軟骨。。。勁多選擇，最啱等緊串燒嘅食，絕對唔會浪費時間🤣🤣🌟小食及飲品店內有兩個大雪
呢間喺觀塘嘅串燒屋，裝修簡潔，而且通風做得唔錯，全場爆滿都唔會太大油煙，仲有手機掃QR code落單，唔怕店員太忙而叫唔切嘢食，非常方便👍🏻
超過50款嘅選擇，真係花多眼亂，好彩有2.5個鐘食，可以慢慢試均再encore都仲得😆，以下係太子妃嘅推介🙌🏻
🌟海鮮類
➡️燒蠔同青口係必食之選😎，唔好以為放題會將價就貨，蠔身同青口都大大隻非常飽滿，蒜蓉鋪晒面，燒起上嚟香氣四溢🤤
🌟豬牛類
➡️厚切牛舌燒到脆皮而唔靭，咬落仲非常爽口，激讚👍🏻👍🏻
➡️牛仔骨切到好薄，網燒一陣就熟成，牛味濃又唔會過咸
➡️另外推介嘅係泰式豬頸肉❤️，店家用咗香茅醃製，食落極之惹味，忍唔一串又一串🤭
🌟其他燒物
蒜蓉茄子➡️燒到淋晒嘅茄子，一夾就產起晒一絲絲，撈埋蒜蓉來食好香口😚
雞腎➡️見到大大舊仲擔心好難咬，點知一樣係咁爽口，仲有原味同麻辣兩種口味，滿足不同喜好🫶🏻
厚燒玉子➡️甜甜嘅蛋香，燒到燶燶地最正😍
🌟炸物
睇住d串燒轉轉下又未食得，呢個時候最好就係試下d炸物，蠔、蝦、芝士魚條、棒棒餃子、雞軟骨。。。勁多選擇，最啱等緊串燒嘅食，絕對唔會浪費時間🤣🤣
🌟小食及飲品
店內有兩個大雪櫃，提供包括螺肉、中華沙律、生菜、秋葵、啫喱、泡芙等等嘅配菜小食，亦有汽水、烏龍茶、洛神花菜、薏米水等多款飲品，食多幾串都唔怕熱氣同頸渴😙
任飲任食2.5小時，視乎日子及時間不同收費，最貴嘅黃金時段加埋一都係$2xx，勝價比極高🙌🏻🙌🏻🙌🏻
大人$198-$268
小童$108-$168
10 views
0 likes
0 comments
7 views
0 likes
0 comments
8 views
0 likes
0 comments
7 views
0 likes
0 comments
5 views
0 likes
0 comments
5 views
0 likes
0 comments
9 views
0 likes
0 comments
5 views
0 likes
0 comments
4 views
0 likes
0 comments
Post
