Video
Read full review
2021-11-05
70 views
🔻 鮨勝九龍城龍崗道31號地舖/🍙勝KATSU $1680OMAKASE 22品 小妹去嘅時候舖頭只係開咗一個星期，宋王臺站行過去只需要5分鐘，非常方便。最貴22品，可以食到師傅花咗好多心思度出嚟嘅時令menu，真係非常值得。呢度比一般omakase更值得讚許嘅地方，係真正令客人享受到成餐飯，真係有從客人角度去諗。例如生冷野之間，會隔一道熟食，令到你唔會好嫌。壽司小巧精緻，但係食材選擇同埋配搭非常豐富，就算食到最後，都唔會飽到食唔落，冇咗享受嘅感覺。以往omakase都比較忽視熟食，但其實都係俾咗錢食，都好重要，呢度嘅熟食全部都好有心思，而且非常好食，令到成餐飯都非常滿足，真係好值得推介。以下推介最幾款最深刻嘅菜式:🧃鮫鰈魚刺身鮫鰈魚包住炙燒過嘅鰈魚裙邊，師傅仲即興加左少少白子，口感非常豐富，入面仲包左芽葱，偏向淡口，少少吊味得來，又唔會好搶，仲加左紫蘇花同埋柚子啫喱，refreshing!/🧃慢煮南非鮑魚慢煮三個鐘，彈牙鮮嫩，非常鮮味/🧃炸日本金鯛上面嘅魚鱗炸到非常酥脆，上面加咗少少法國片鹽，下面就係柚子芥末醬，岀奇地夾/🧃熟成大拖羅熟成咗14日，油香鮮味淋漓盡致/🧃茶碗蒸有別於一般
🔻 鮨勝
九龍城龍崗道31號地舖
/
🍙勝KATSU $1680
OMAKASE 22品
小妹去嘅時候舖頭只係開咗一個星期，宋王臺站行過去只需要5分鐘，非常方便。最貴22品，可以食到師傅花咗好多心思度出嚟嘅時令menu，真係非常值得。
呢度比一般omakase更值得讚許嘅地方，係真正令客人享受到成餐飯，真係有從客人角度去諗。
例如生冷野之間，會隔一道熟食，令到你唔會好嫌。壽司小巧精緻，但係食材選擇同埋配搭非常豐富，就算食到最後，都唔會飽到食唔落，冇咗享受嘅感覺。以往omakase都比較忽視熟食，但其實都係俾咗錢食，都好重要，呢度嘅熟食全部都好有心思，而且非常好食，令到成餐飯都非常滿足，真係好值得推介。
以下推介最幾款最深刻嘅菜式:
🧃鮫鰈魚刺身
鮫鰈魚包住炙燒過嘅鰈魚裙邊，師傅仲即興加左少少白子，口感非常豐富，入面仲包左芽葱，偏向淡口，少少吊味得來，又唔會好搶，仲加左紫蘇花同埋柚子啫喱，refreshing!
/
🧃慢煮南非鮑魚
慢煮三個鐘，彈牙鮮嫩，非常鮮味
/
🧃炸日本金鯛
上面嘅魚鱗炸到非常酥脆，上面加咗少少法國片鹽，下面就係柚子芥末醬，岀奇地夾
/
🧃熟成大拖羅
熟成咗14日，油香鮮味淋漓盡致
/
🧃茶碗蒸
有別於一般嘅茶碗蒸，用咗大量日本小貝柱同埋濃蜆汁去煮，味道濃郁，啲蛋仲超滑
/
🧃江戶前玉子燒
第一次食，以為食緊好重蛋味嘅蛋糕仔，原來一啲麵粉都冇用到，入面係用咗魚肉、蝦肉同埋蛋，燒過之後更加好食，食完想再食
/
🧃蟹肉湯
平時飲麵豉湯真係好厭，呢個真係非常有心思，用咗松葉蟹蓋去淆湯，入面仲有松葉蟹肉魚蛋，非常鮮味
Post
