樓下冰室 (Closed)

同朋友去開荃灣shopping，買完野行完見差唔多到食飯時間，又有d肚餓，一於係附近搵間餐廳食！朋友話想食茶記類港式野食🤔都好多人推介呢間樓下冰室！原來餐廳主打蕃茄湯面，同瑞士汁雞翼雞髀，同其他港式茶餐廳野食！於是同朋友決定去試下！😋😋入到餐廳好surprise，入面既環境竟然唔係傳統既冰室，反而係好當光猛，亦都坐得好舒服！🤣🤣一共叫佐幾個野食，有瑞士雞翼同瑞士雞髀，蕃茄湯公仔麵配牛奶炒滑蛋，仲有叉燒炒蛋飯。最難忘同高質係瑞士雞髀同叉燒炒蛋飯！係呀！係叉燒炒蛋飯！估唔到佢呢個咁家常便飯既飯會咁好食！半肥瘦叉燒加上炒完都仲係滑既蛋超好食！😋😋另外瑞士汁雞髀都好入味，強烈推薦之選！👍🏻👍🏻