The Point - Pizza & Pasta (如心廣場) (Closed)

頭盤當然唔少得招牌龍蝦湯， 龍蝦味非常濃郁，入口creamy👍跟住沙律方面，我哋點咗火箭菜配雪梨片， 佢哋做得真係非常出色， 新鮮嘅火箭菜配雪梨，再鋪上碎塊的水牛城芝士， 之後加上香醋油沙律汁和果仁碎， 甜味和酸味互相平衡， 非常醒胃。😋之前我哋試過佢哋嘅意式pizza， 味道唔錯，今次轉下口味， 試下佢哋11"嘅日式明太子軟殼蟹pizza， 軟殼蟹炸得非常香脆，熱辣辣， 芝士味道非常濃郁， 鋪上蝦仁和日式紫菜喺面頭， 變成意式和日式組合配搭，絕對沒有失望。墨魚汁海鮮意大利飯又係必食推介👍，意大利飯沒有煮得過淋， 非常之有口感， 控制火侯適中， 非常creamy， 配以不同種類的海鮮食材伴碟，大蝦煎得非常香脆，肉質彈牙鮮嫩，青口和大蜆非常新鮮， 令到成碟飯生色不少。