Aldou Cafe (Changed Hand) New Restaurant

在元朗圖書館附近有一間唔起眼既西餐，但經過都坐滿人既，所以決定今晚要試一試佢！尼間餐廳門外設有少量座位，適合大家係門外睇下書，飲杯咖啡，可以一嚐文青滋味！雖然係夜晚，但燈光唔會太暗，而且環境尚算舒適！每次食西餐都會有餐包，佢地既餐包唔同平時果啲，加上佢地有預熱麵包，將令包既表面有點脆面，非常好食！今晚既餐湯係蕃茄湯，尼個湯帶點蕃茄酸味，飲落好開胃，而且帶蕃茄肉粒，湯落唔會太單調！今晚點左一個豬肋骨排，平時係其他餐廳食既豬肋骨好似無咩肉，而佢地既豬肋骨排食落比較多肉，加上佢地調配既醬汁，非常夾，好好食！餐飲係佢地主打既果茶，開頭以為會好淡味，但飲落好濃既芒果味，而且唔會令茶味失色！