Video
Read full review
2022-03-03
407 views
PICI 係香港一間知名嘅義大利手工意粉餐廳，係尖沙咀，灣仔，中環，沙田同荔枝角都設有分店，而我地今次去嘅就係位於荔枝角D2 place嘅分店。嗰日同朋友三人行，一共嗌左兩個main course同一個starter，因為我地本身食左少少野先出黎，所以食完都幾飽，要去隔離D2 place行下市集消化下🤰🏼💁🏻♀️啱啱坐底嗰陣佢比左幾塊發酵麵包我地麵包入口偏酸，沾橄欖油同黑醋食係幾match嘅，但個包嘅texture硬到好似食緊石頭咁，中意食軟身麵包嘅可以直接飛左佢🥲💁🏻♀️Truffle Tagliolin 黑松露細扁麵 $180用白松露炒以及加上黑松露片嘅意粉，一上枱已經聞到香噴噴嘅松露味。意粉醬汁濃稠，但食落又唔會好鹹，味道淡淡令人更能清楚地食出每條手工意粉嘅口感，幼身嘅麵質頗彈牙，食落每一啖都有淡淡蛋香味，且黑松露份量都算多，每一啖都食到，係幾幸福😆💁🏻♀️Ravioli Octopus 燉煮八爪魚醬意式雲吞 $140起初以為雲吞餡係肉黎，點知原來係忌廉芝士、芝士、檸檬、香草同青醬嘅mixture，食落好creamy，有啲驚喜。至於雲吞皮係用義大利麵皮造，口感十分煙韌。整齊外硬內
PICI 係香港一間知名嘅義大利手工意粉餐廳，係尖沙咀，灣仔，中環，沙田同荔枝角都設有分店，而我地今次去嘅就係位於荔枝角D2 place嘅分店。
嗰日同朋友三人行，一共嗌左兩個main course同一個starter，因為我地本身食左少少野先出黎，所以食完都幾飽，要去隔離D2 place行下市集消化下🤰🏼
💁🏻♀️啱啱坐底嗰陣佢比左幾塊發酵麵包我地
麵包入口偏酸，沾橄欖油同黑醋食係幾match嘅，但個包嘅texture硬到好似食緊石頭咁，中意食軟身麵包嘅可以直接飛左佢🥲
💁🏻♀️Truffle Tagliolin 黑松露細扁麵 $180
用白松露炒以及加上黑松露片嘅意粉，一上枱已經聞到香噴噴嘅松露味。意粉醬汁濃稠，但食落又唔會好鹹，味道淡淡令人更能清楚地食出每條手工意粉嘅口感，幼身嘅麵質頗彈牙，食落每一啖都有淡淡蛋香味，且黑松露份量都算多，每一啖都食到，係幾幸福😆
💁🏻♀️Ravioli Octopus 燉煮八爪魚醬意式雲吞 $140
起初以為雲吞餡係肉黎，點知原來係忌廉芝士、芝士、檸檬、香草同青醬嘅mixture，食落好creamy，有啲驚喜。至於雲吞皮係用義大利麵皮造，口感十分煙韌。整齊外硬內軟嘅口感幾有層次。加上外層偏酸嘅八爪魚醬同橄欖中和左個餡嘅膩感，幾好食的✌🏻(唔建議一個人食曬成碟，會好濟😂)
💁🏻♀️Chef‘s Selection Cold Cuts 廚師精選冷切盤 $130
Parma ham同salami鹹度正正常常，parmesan嘅芝士味唔重，口感似硬左嘅鬆餅，talggio幾鹹，芝士味濃郁，如果嗌埋杯wine送住黎食會好食好多(可惜我地冇😭)
😌額外感想
食物質素唔算數一數二好食，但服務質素令我地又驚又喜。當日我地幫朋友慶祝生日，入餐廳個陣比左個生日蛋糕waiter，叫佢食完飯唱住生日歌令出黎比驚喜朋友。Out of expectations嘅係，佢地唱完生日歌後拎部即影即有出黎幫我地影相，仲送左份生日禮物同生日卡比我朋友，當下連唔係生日嘅人都驚喜埋一份，對於佢地嘅服務質素我真係敢比100分！😭🥳🤩
✌🏻整體評分
味道：🌟🌟🌟🌟
價錢：🌟🌟🌟
instagrammable：🌟🌟🌟🌟🌟
環境：🌟🌟🌟🌟
服務質素：🌟🌟🌟🌟🌟
😚Alternative抵食法
Weekday 有$158 lunch set，內含1個starter + 1個pasta + 1個dessert
‼️注意事項
店內嘅職員絕大部分都唔識講廣東話(至少荔枝角分店係)，寫野埋單同有任何問題最好講英文🙆🏻♀️另外呢間餐廳唔收加一服務費，不設booking，只限walk in，齊人先可以入座，如果要係夜晚食就需要比啲耐性排隊等下啦😭不過就算排得耐我都覺得worth it !!!
地址：Pici (荔枝角)
荔枝角長順街15號D2 Place二期地下G03號舖
7 views
0 likes
0 comments
27 views
0 likes
0 comments
10 views
0 likes
0 comments
10 views
0 likes
0 comments
7 views
0 likes
0 comments
Post
