Video
Read full review
2024-02-23
426 views
呢間意大利菜餐廳主打手工意粉同特色調酒，有兩間分店，今次去咗觀塘分店食晚餐～ 裝潢融入本地文化元素，水泥柱寫住「九龍官塘、手工意粉」，落地玻璃設計見到店外花園，都幾舒適～ 服裝都幾好，好主動加水、換碟！呢度嘅二人晚市套餐都幾抵食，$368有餐湯、前菜、主菜、飲品～ 比起散叫抵好多！而我哋就叫咗個二人套餐，再單點兩款食物😆🔸餐包&椰菜花忌廉湯🔸白鯷魚茄子蓉多士🔸意大利風乾火腿拼盤椰菜花湯完全無渣，好滑又清清哋，唔錯！第一次食呢個多士配搭，多士香脆，鯷魚濃味，茄子蓉中和一下味道，幾特別！火腿鹹香，又有青提子清爽一下！🔸炭燒安格斯封門柳配燒汁薯條 +$90揀封門柳要加$90～ 味道有驚喜，肉質軟嫩，中間仲係粉紅色唔會過熟，厚切又有啲咬口，仲好濃肉味，好好食！不過份量稍為少，厚切咗得5塊，share食唔夠喉😂 薯條幾香脆，合格！🔸手工意式薯團配煙肉蕃茄醬衝著手工同少食而叫！薯團非常軟糯，吸滿蕃茄醬嘅味，亦食得出薯仔味！醬汁加咗煙肉，鹹香又帶蕃茄嘅酸甜，同薯團幾夾！薯團嘅口感味道都係平時少食到，覺得幾好食！鍾意食年糕類食物，應該都會鍾意食呢道菜～🔸新鮮青口配茴香酒汁 $128推介！比想像中好食，
呢度嘅二人晚市套餐都幾抵食，$368有餐湯、前菜、主菜、飲品～ 比起散叫抵好多！而我哋就叫咗個二人套餐，再單點兩款食物😆
🔸餐包&椰菜花忌廉湯
🔸白鯷魚茄子蓉多士🔸意大利風乾火腿拼盤
椰菜花湯完全無渣，好滑又清清哋，唔錯！第一次食呢個多士配搭，多士香脆，鯷魚濃味，茄子蓉中和一下味道，幾特別！火腿鹹香，又有青提子清爽一下！
🔸炭燒安格斯封門柳配燒汁薯條 +$90揀封門柳要加$90～ 味道有驚喜，肉質軟嫩，中間仲係粉紅色唔會過熟，厚切又有啲咬口，仲好濃肉味，好好食！不過份量稍為少，厚切咗得5塊，share食唔夠喉😂 薯條幾香脆，合格！
🔸手工意式薯團配煙肉蕃茄醬衝著手工同少食而叫！薯團非常軟糯，吸滿蕃茄醬嘅味，亦食得出薯仔味！醬汁加咗煙肉，鹹香又帶蕃茄嘅酸甜，同薯團幾夾！薯團嘅口感味道都係平時少食到，覺得幾好食！鍾意食年糕類食物，應該都會鍾意食呢道菜～
🔸新鮮青口配茴香酒汁 $128推介！比想像中好食，原來新鮮青口口感係咁軟滑😍 更加鮮甜！同平時嘅冷凍青口好唔同！青口個汁用咗白酒、蒜片同意大利番茜煮，都幾好味，配酸種麵包食，幾正！
🔸莎樂美腸烤酸種披薩 半份$98有3件，同想像中有啲唔同～ 酸種麵包比較有嚼勁，稍為硬啲，上面有莎樂美腸、水牛芝士、蕃茄醬、羅勒等，味道正常無咩特別～
🔸Uji Matcha Latte +$18🔸Coffee Tonic +$18
套餐飲品可以加$18升級，兩杯飲品都幾好飲，matcha latte幾香濃，coffee tonic清爽！
Post
