Video
Read full review
2024-10-04
416 views
平日lunch都大排長龍，今次就放工過嚟食，同埋唔洗比時間限住可以食得悠閒小小。餐廳環境好優美，仲播住令人舒服開心嘅背景音樂。因為每樣都太吸引嘅關係，選擇困難嘅我哋直接決定叫二人餐，有湯有前菜有兩款主菜仲包埋甜品餐飲。餐湯係羅宋湯好好飲。前菜揀咗日式天婦羅魷魚，雖然寫係前菜但份量超多﹗魷魚鬚都好長好大條，每條都有紫菜粉，炸粉薄薄一層，食落香脆唔油膩仲食到魷魚嘅鮮味。沙律菜有醋做調味，酸酸地配埋一齊好開胃。主菜就揀咗波士頓龍蝦龍蝦汁意大利飯同埋炭燒澳洲肉眼牛扒。波士頓龍蝦都好大隻又多肉，煎完有好香嘅蒜香味，仲貼心咁比埋工具方便拆殼。意大利飯粒粒分明，濃稠度剛剛好，充滿住香濃嘅龍蝦汁味，每啖都好似有龍蝦係口入面游緊水咁。炭燒澳洲肉眼牛扒可以揀生熟度，我哋揀咗7成，外表煎到金黃焦脆，而切開裡面係粉紅色。食落多汁口感嫩滑，付加嘅醬汁可以自由添加，令牛扒更加有層次感。配菜嘅西蘭花同埋焗薯都好出色，特別係焗薯，加埋脆煙肉粒超正。餐飲加錢叫咗凍抹茶鮮奶同藍莓水果茶。淨係外表已經好出色，加埋餐廳超靚裝修背景超打卡able，熱茶仲有蠟燭一直暖住，食到最尾都仲可以飲到熱茶超開心。抹茶鮮奶兩種味道都好濃厚，
因為每樣都太吸引嘅關係，選擇困難嘅我哋直接決定叫二人餐，有湯有前菜有兩款主菜仲包埋甜品餐飲。
餐湯係羅宋湯好好飲。前菜揀咗日式天婦羅魷魚，雖然寫係前菜但份量超多﹗魷魚鬚都好長好大條，每條都有紫菜粉，炸粉薄薄一層，食落香脆唔油膩仲食到魷魚嘅鮮味。沙律菜有醋做調味，酸酸地配埋一齊好開胃。
主菜就揀咗波士頓龍蝦龍蝦汁意大利飯同埋炭燒澳洲肉眼牛扒。波士頓龍蝦都好大隻又多肉，煎完有好香嘅蒜香味，仲貼心咁比埋工具方便拆殼。意大利飯粒粒分明，濃稠度剛剛好，充滿住香濃嘅龍蝦汁味，每啖都好似有龍蝦係口入面游緊水咁。
炭燒澳洲肉眼牛扒可以揀生熟度，我哋揀咗7成，外表煎到金黃焦脆，而切開裡面係粉紅色。食落多汁口感嫩滑，付加嘅醬汁可以自由添加，令牛扒更加有層次感。配菜嘅西蘭花同埋焗薯都好出色，特別係焗薯，加埋脆煙肉粒超正。
餐飲加錢叫咗凍抹茶鮮奶同藍莓水果茶。
淨係外表已經好出色，加埋餐廳超靚裝修背景超打卡able，熱茶仲有蠟燭一直暖住，食到最尾都仲可以飲到熱茶超開心。抹茶鮮奶兩種味道都好濃厚，混合一齊好好飲。而甜品加錢叫咗竹炭麻薯千層酥盒子配雪糕，淨係睇名已經覺得好吸引非叫不可，另外一個精選甜品就係芝士蛋糕。甜品賣相都好靚。芝士蛋糕有三層，有兩種唔同嘅芝士口味，食落濃郁又唔膩。表層嘅焦糖醬除咗擺盤仲添加咗甜味同埋層次感。竹炭千層酥盒子有好多層好鬆脆，竹炭味好濃好特別，無論單食定配埋麻薯雪糕一齊都好出色。
Post
