鮨和居食屋 (Closed)

今晚朋友帶左小妹去銅鑼灣食好西, 揀左間位於登龍街嘅鮨和居酒屋, 餐廳環境燈光柔和, 一面係普通座位, 一邊係吧枱! 🌟廚師發辦壽司拼盤拼盤有帆立貝壽司, 左口魚邊壽司, 金目鯛壽司, 大拖羅壽司, 赤貝壽司, 油甘魚壽司, 三文魚壽司, 深魚池魚夀司, 中拖羅壽司同牡丹蝦壽司, 件件都相當精緻, 食材新鮮, 小妹至愛當然係大拖羅壽司, 肉質肥美富油香, 入口即溶好好味🌟燒蟶子一上枱就已經好想即刻食, 岩岩燒好熱辣辣, 蒜蓉磨得好幼細, 味道濃郁, 蟶子大隻肉厚, 鮮味十足, 口感爽彈!🌟手羽串燒雞翼外脆內嫩好juicy🌟牛肋條串燒牛肉味道濃郁, 口感軟嫩🌟牛脷串燒厚切牛脷口感爽脆, 調味適中🌟帆立貝串燒E個係佢地嘅招牌汁燒帆立貝串燒嚟, 帆立貝大大粒, 好juicy🌟牛肉壽喜燒鍋壽喜燒湯汁味道香甜, 附上嘅雞蛋可以沾牛肉食又得, 放入鍋攪拌亦可以! 牛肉口感鮮嫩味美, 入面仲有菇類, 菜同煎過嘅豆腐, 非常入味, 配埋飯一流!