Couple's Kitchen (Closed)

在元朗較少有高級而又抵食嘅西餐廳，近排行經教育路發現到 "Couple's Kitchen，被它門口吸引到，就入去嚐一嚐，享受吓lunch啦 ~餐廳雖然沒有想像中咁大，但裝修帶歐陸風情，時尚雅致，令人覺得坐得舒服，都好寫意。Lunch Menu 選擇都幾多，超過十款，有招牌全日早餐、紐西蘭肉眼扒、羊仔肩、燉雞、三文魚扒、美式牛肉漢堡、Pizza、意大利粉及多款特色小食。夏日鮮雜果扒大蝦沙律伴士多啤梨紅酒沙律汁    $128依碟鮮雜果沙律色彩鮮艷，款式好多，包括大蝦、沙律菜、奇異果、哈密瓜、火龍果、藍莓、車厘茄等，大蝦爽口彈牙，鮮甜美味，鮮雜果口感清新，配合少少酸酸甜甜嘅沙律汁，食起嚟好開胃。美式牛肉洋蔥漢堡    $128煎得香脆嘅牛肉，油脂分布平均，牛肉味香濃，口感紥實帶有豐富肉汁，與蕃茄、紫洋蔥、生菜、麵包一齊食，味道好夾，層次感大大提升，再配合香脆可口既薯條同鮮爽既沙律菜，豐富又滋味！香濃嘅蕃茄湯，啖啖有粒粒蕃茄蓉，蕃茄味濃厚，餐包暖暖地軟綿綿，好吃。白色戀人跟餐點特飲半價，抵呀。呢杯白色戀人味道清甜，用咗檸檬同椰奶製成，椰味都好濃，香甜可口。冰冰涼涼嘅凍檸茶，茶底清徹，檸檬清