神石燒牛扒專門店 (碧街) (Closed)

放工同男友去左碧街的《神石燒》食燒肉大餐，叫左🍱金和牛盛合 ，$298一位，有4款頂級牛肉，仲有湯和紫菜飯。🍱日本鹿兒島A5和牛肉眼扒，肉眼扒厚厚一件，一路燒肉汁同油脂一路流出嚟，牛肉香味隨着空氣飄去，食落去有味濃郁又多汁！🍱美國金裝SRF黑毛和牛西冷，呢塊黑毛西冷牛，燒一陣就食得，唔需要燒得太熟，入邊燒到粉嫩粉嫩，入口肉質柔軟好好味。
🍱頂級韓牛1++，呢排行牛肉非常鮮嫩，肉味鮮甜，用嚟燒烤真係一流，薄薄地一塊，燒到微微焦香，好快就食晒！🍱美國IOWA黑安格斯牛頸脊，牛頸脊嘅脂肪比例非常好，瘦肉肥肉非常平均，食落去成口牛肉香味！🥣黑豚牛舌洋蔥湯，一碗湯滿滿洋蔥，仲有一塊塊嘅黑豚肉和牛舌，味道非常豐富。🍚滿滿紫菜飯素的紫菜飯，珍珠米煙煙韌韌，好好味！我哋又追加一份頂級虎蝦$19和日式帆立貝$28，呢兩樣嘢就已經燒好，唔使自己燒就食得。