麻神麻辣火鍋 (Closed)

一行七人新年前終於約齊人，行左大半日街，終於坐底可以食野!之前見新聞有講過呢間麻神，既然行開銅鑼灣就成班食啦!最鐘意打邊爐，因為大家可以叫自己想食嘅!~睇完個餐牌，心大心細，樣樣想食~諗左好耐，我地叫左鴛鴦鍋，因為有人食辣，有人頂唔順太辣，見到麻辣都驚驚地，所以叫鴛鴦最穩陣!食物我地都真係叫左超多，一上台都嚇左跳，爆多肉又多丸!包括牛頸脊、牛胸爽、蔬菜拼盤、菇盤、丸子盤、響鈴、黑毛豬肉、牛丸、蝦丸、鴨血、排骨酥、蜂巢冰豆腐、台灣面等。誇張到，連個度的服務生都嚇一嚇!第一次食蜂巢冰豆腐，估唔到咁特別，佢索哂D汁，超好味，而且佢唔係睇落咁，係鬆身又口感。另外推介個牛胸爽，牛味較濃，入口爽滑，識食一定要食呢個!仲有個果凍鴨血，未試過咁特別，鮮嫩入味，口感滑溜好Q，真係似食果凍。呢度連菜款式都特別多可以揀，又有蔬菜拼盤，又有水蓮菜，喜歡打邊爐的話呢度真係唔錯!幾岩大班人黎，可以一次過食多種款式!最後埋單，先知原來7:30前係有75折，估唔到食左咁多野，都好抵~~~