極上千島櫻海景放題 (Closed)

今日相約朋友係荃灣食飯，未夠鐘去咗Donki行咗個圈，然後想去呢間千島櫻放題戰鬥一番。裏面裝修環境好有日本風味，大部分用木做主題，有好多日式嘅木門裝修，而啲燈都係花過心思，係條魚黎。食物方便特別係刺身非常高質，海膽刺身非常新鮮，啲甜蝦一啲都唔腥，可以放心係咁食，仲有好多刺身包括帆立貝、八爪魚、三文魚等等。呢間放題仲有我最鍾意食嘅麻辣小龍蝦，好入味，唔會好辣，食物種類真係好多。熟食方面我就比較推介佢嘅燒羊架，肉質非常淋，睇得出有用心製作。