Video
Read full review
2021-07-12
2414 views
老友夏總既喺美孚街坊，又喺保齡球友，自從多年前美孚嘅保齡球場無咗，佢就要成日跨區打波。最近佢話見到個場開番，但原來轉咗做一站式體驗場館，有法式滾球、草地滾球、健身房、掟飛標機，仲有間西餐廳，同佢嚟聚一聚食餐晚飯，兼等佢緬懷吓晌度打保齡嘅時光。大家都喺美孚友，所以，知晒餐廳嘅位置。地方予人感覺寬敞，樓底又相對高，加上幽暗嘅燈光，算頗有氣氛兼環境寫意。再者哋新開關係，裝修新簇，座椅亦好好坐。基本嘅防疫都做足，而且，枱與枱之間都好有段距離，所以，用餐安心。枱上放咗一大支消毒液，就更睇得出餐廳喺幾注重防疫。雖然一心喺揀晚餐，但都影影個主餐牌俾大家當個參考，翻一轉，其實都有幾多選擇。由前菜、湯品、主菜、焗飯、意大利麵、意大利飯、素食之選、特色小食、甜品……到全日早餐都有，可謂一應俱全，而飲品亦不愁無選擇，更提供啤酒、紅白餐酒。至於晚市，提供4道菜形式嘅晚餐，包括餐湯、沙律、主菜及甜品，並奉送餐飲，定價以所揀嘅主菜為準，賣$228-$268；另外餐湯、甜品都有加錢升級嘅選項。此外，下面仲有多款加配優惠，所以，亦唔一定點晒晚餐，當晚就見到有啲客點個鹹豬手，再加配其他嘢，兩個人享用，因為隻豬手真喺好大
大家都喺美孚友，所以，知晒餐廳嘅位置。地方予人感覺寬敞，樓底又相對高，加上幽暗嘅燈光，算頗有氣氛兼環境寫意。再者哋新開關係，裝修新簇，座椅亦好好坐。
基本嘅防疫都做足，而且，枱與枱之間都好有段距離，所以，用餐安心。枱上放咗一大支消毒液，就更睇得出餐廳喺幾注重防疫。
雖然一心喺揀晚餐，但都影影個主餐牌俾大家當個參考，翻一轉，其實都有幾多選擇。由前菜、湯品、主菜、焗飯、意大利麵、意大利飯、素食之選、特色小食、甜品……到全日早餐都有，可謂一應俱全，而飲品亦不愁無選擇，更提供啤酒、紅白餐酒。
至於晚市，提供4道菜形式嘅晚餐，包括餐湯、沙律、主菜及甜品，並奉送餐飲，定價以所揀嘅主菜為準，賣$228-$268；另外餐湯、甜品都有加錢升級嘅選項。此外，下面仲有多款加配優惠，所以，亦唔一定點晒晚餐，當晚就見到有啲客點個鹹豬手，再加配其他嘢，兩個人享用，因為隻豬手真喺好大隻吓。
自家製香草包 香草包拎上手微微暖，塗上少少牛油，已幾好食，因為除咗包身軟綿，仲帶有濃濃香草嘅幽香味，配上小弟揀嘅忌廉湯，就更合拍。
意大利雜菜湯老友揀意大利雜菜湯，因為忌廉湯唔啱佢，佢就話個雜菜湯好得，除咗味道濃郁之外，酸香醒神，而且，有大量蔬菜，好飲又健康。
露筍忌廉湯我就揀是日餐湯，因為有露筍，撈一撈，更喺白露筍添，帶點爽口感，而個忌廉湯打得柔滑細緻，口感好好。值得一提，餐湯嘅碗底都墊上花餅紙，喺較老派嘅西餐先見咁做，睇落幽雅啲，但依家已經好少見。
煙三文魚沙律老友唔食芝士嘅，所以，自然揀呢個沙律，大大件煙三文魚，鹹香好食，襯上少少三文魚籽，賣相就更亮麗，配埋爽脆嘅沙律菜，簡單而味美。
意大利火腿蜜瓜沙律小弟就對意大利火腿鍾情多少少，配蜜瓜真喺好夾，再者，除沙律菜，仲刨咗好多巴馬臣芝士，增添幾分鹹香味，食味一流。
意大利火腿蜜瓜沙律
2 views
0 likes
0 comments
扒澳洲穀飼西冷老友喺食肉獸，一眼就睇中西冷，要上五乘熟，煎得火喉啱啱好，而且，坑紋縱橫交錯，份外吸引。佢話一落刀已感覺到肉質非常軟腍，沾一點黑椒汁，非常惹味，而件西冷甚具質素，咬落富肉味，同時又有油香，兼且肉汁豐盈。加上份量十足，食埋啲薯菜，好飽好飽。
扒澳洲穀飼西冷
1 views
0 likes
0 comments
就使就老婆，就會揀上肉類嘅主菜，而肉類中，有羊嘅都會揀羊，因為唔喺間間西餐廳都會提供羊肉類嘅菜式。唔喺講笑，件羊膝大得好誇張，差唔多喺小弟兩個拳頭加埋。啲肉燴到好軟腍，入口極之鬆化，而且，好有羊肉嘅獨有氣味，晌紅酒汁之下，卻唔喺好羶。羊膝下伴有好多雜菜，同樣食完飽到九乘幾。
法式紅酒燴羊膝
2 views
0 likes
0 comments
熱咖啡、凍檸茶餐飲我哋就無特別升級轉特飲，都喺簡簡單單我要熱咖啡，佢要凍檸茶。襯甜品，都喺咖啡最搭配，雖然只喺一杯即磨咖啡，都做得有心，咖啡好香醇，而啲牛奶喺熱過嚟。老友就話佢凍檸茶嘅茶底名芳香，落檸檬片夠多，冰涼好飲。
法式焦糖燉蛋甜品亦無升級，食番跟餐嘅都OK，最緊要喺啱食啫。老友嘅法式焦糖燉蛋賣相精緻，面層嘅焦糖做得又薄又脆，好有焦香味，而燉蛋部份好嫩滑，而且，甚具蛋香，喺有水準嘅甜點。
法式焦糖燉蛋
5 views
0 likes
0 comments
做得都似模似樣，加上伴以少少雜莓，外觀一定有加分。蛋糕部份做得好鬆軟，淺色一層嘅馬卡風芝士亦都好柔滑，只喺因為屬於無酒味嘅版本，即喺蛋糕無浸到咖啡酒，有別傳統，但就適合唔嗜酒嘅客人。
環境舒適，招呼好到位，啲侍應亦好有禮貌，雖然呢度晚市嘅價位唔低，平均一個人都要$250-$300左右，但跟質素對等。我哋兩個唔喺中產，但美孚區屋苑大，中產多，相信大有客源。它友更話，區內高質素嘅西餐真喺唔多，依家可以講又多一家。
Post
