樓下冰室 (Closed)

今日又去咗荃灣覓食，嚟到呢一間都幾多人排隊嘅樓下冰室，佢標榜佢嘅招牌就係佢嘅番茄通同埋佢最出名嘅瑞士雞髀，於是我就事不宜遲咁入咗去試吓佢哋嘅招牌先我叫咗一個番茄濃湯通粉，然後就配左佢最出名嘅瑞士雞髀！然後我朋友就叫咗咖喱牛腩飯，再叫多咗一個焗芝士肉醬薯角既小食！飲品方面我哋就叫咗都係上網好多人推薦嘅華田脆脆先講咗佢哋嘅招牌番茄濃湯通粉，果然名不虛傳！個湯底超級濃郁，番茄味極重，唔會好似出面普通茶餐廳咁樣普通嘅湯水配少少蕃茄蓉咁樣！相反每食一啖通粉裏面都吸晒蕃茄蓉！而且佢嘅蕃茄通再配上牛乳炒蛋，個炒蛋都真心好滑，令左成個通粉加分不少！另外個瑞士雞髀果然值得推薦，雞肉超級滑，一啲都唔會諧霎霎，而且佢嘅瑞士汁唔會好鹹！不過我發現原來身邊嘅人好多都有叫佢哋嘅瑞士雞翼，相信兩款都唔錯！另外我朋友嘅咖喱牛腩飯亦都好高質，除咗牛腩份量好多之餘，佢嘅咖喱汁超級多，配埋個白飯食簡直一流！個小食焗芝士肉醬薯角係必要，雖然淨係食佢有少少鹹，但係佢嘅芝士同肉醬都超級足料，個底有少少焗焦咗嘅香味，反而更加正，不過啱啱上枱嘅時候真係好熱，大家要小心！飲品方便佢個杯華田脆脆亦都係好唔錯，飲落去真係透心涼，而且配埋其