養心殿台式養生鍋 (Closed)

平日晚上黎到呢間養心殿，之前已經聽好多人話呢間好好食，我都好期待呀，叫左個美人鍋配養生鍋，兩個都超級好味，又勁足料，冇諗過有咁多人參又咁大隻雞呀！店員仲提醒我地打邊爐前要飲左湯先！食物方面我地嗌左黑松露蝦丸，又叫左蝦雲吞，冇諗過黑松露同蝦係咁夾，每一啖都夾雜住黑松露既味道！老實講，個湯好味到我根本冇乜點過醬料，哈哈！仲有叫左個羊肉片，竟然唔腥wor! 同埋好薄身，基本上淥一淥就熟左嚕。值得推薦！臨走竟然仲有糖水食，打完邊爐成身慶合合，個糖水好貼心咁係凍架！幫手降降溫～