Paper & Coffee

Open Now

Now Closed

中大其中一間最出名嘅餐廳就係龐can，因為真係同出面嘅cafe無分別，雖然價錢偏貴，但耐唔中食吓都算係忙碌中嘅一點慰藉🙈之前食過佢嘅日式炸雞配蜜糖芥末醬真係幾唔錯，今次就試吓冇咁heavy嘅炸豆腐，當然唔少得咖喱汁($50)😋豆腐有兩大舊，面頭仲灑咗啲木魚絲，咬落起都幾脆下，入面就保持到嫩滑👍🏻因為咖喱係純素，所以味道上的確無咁豐富，但多咗重辛辣味，所以撈飯食幾開胃，不過我都係鍾意平時嘅日式咖喱多啲🤣菜菜大多數都係就咁灼再加少少鹽調味，值得一提嘅係脆卜卜蓮藕，咬落去好爽脆😆另外叫咗杯打卡度滿分嘅焙茶牛奶($35)，慢慢將兩層攪勻真係最治癒嘅過程🥰焙茶味好香，牛奶亦都有淡淡地、好似富良野咁嘅奶香☺️兩者加埋真係無得彈，可惜份量比較少，仲要因為係凍既所以大部分都係冰，以呢個價值嚟講就有啲唔抵😗