五武士 (Closed)

五武士出色嘅係鐵板燒同串燒，而鐵板燒又有多款套餐選擇，今次二訪試吓鐵板燒A La Carte，揀咗三款都係海鮮類，感覺冇咁heavy似輕食多啲，帆立貝、蝦同鮑魚都好出色小編都好喜歡，而更多驚喜反而在後面，嗰高菜炒飯食完想再添，最後甜品嘗到人生嘅第一次。◇ 𝗝𝗮𝗽𝗮𝗻𝗲𝘀𝗲 𝗔𝘀𝘀𝗼𝗿𝘁𝗲𝗱 𝗩𝗲𝗴𝗲𝘁𝗮𝗯𝗹𝗲𝘀 日本時令蔬菜拼盤時令蔬菜有三款，有日本南瓜、日本甜薯同日本青椒仔，煎過後仍然不失南瓜同甜薯本身甜味，切薄片做成更多微燶面積，味道更香口◇ 𝗛𝗼𝗸𝗸𝗮𝗶𝗱𝗼 𝗟𝗶𝘃𝗲 𝗦𝗰𝗮𝗹𝗹𝗼𝗽 北海道鮮活帆立貝兩粒巨型帆立貝，表面煎香，內裏肉質仍然爽口，配上creamy嘅蝦頭醬，鮮味有更好嘅提升，小編認為係必食◇ 𝗣𝗿𝗮𝘄𝗻 𝘄𝗶𝘁𝗵 𝗣𝗿𝗮𝘄𝗻 𝗥𝗼𝗲 𝗼𝗻 𝗧𝗼𝗮𝘀𝘁 車海老伴蝦膏牛奶多士由蝦膏同香草製成嘅醬汁，味道比較濃郁，沾在烤煎過嘅蝦上，整體味道更濃更香，車海老肉質爽口，與香脆口感嘅多士，形成強烈對比，口感更豐富◇ 𝗛𝗼𝗸𝗸𝗮𝗶𝗱𝗼 𝗘𝘇𝗼 𝗟𝗶𝘃𝗲 𝗔𝗯𝗮𝗹𝗼𝗻𝗲 𝘄𝗶𝘁𝗵 𝗦𝗲𝗮 𝗨𝗿𝗰𝗵𝗶𝗻 𝗖𝗿𝗲𝗮𝗻 𝗦𝗮𝘂𝗰𝗲 日本蝦夷鮑魚配海膽忌廉汁蝦夷係北海道嘅古稱，日本蝦夷鮑魚長