明道

Open Now

Now Closed

今日放假，同朋友去銅鑼灣食日本菜。餐廳環境好乾淨企理，而且裝潢都好有日本簡約風格。我們簡左lunch set ，包茶碗蒸，主食，味噌湯同埋甜品或者餐飲。茶碗蒸蛋十分滑，滑既程度係一擺入口都未咬得切，佢就滑左去食道!蛋應該用左高湯去蒸，所以食落好夠味，亦都有種清甜既味道。主食 - 日式豚肉生薑燒配飯份量好足夠，洋蔥都好甜! 豚肉片吸曬汁好好食。整體醬汁既味道甜甜地，配埋薑味就減低油膩既感覺。特別係夏天，咁悶熱既天氣，生薑既味仲增強食欲 。主食 – 滑蛋吉列黑豚飯蛋真係好滑，仲有D蔬菜係入面，感覺好有營養。吉列黑豚唔會皮肉分離，炸得剛好，外皮仲包住D滑蛋，醬汁帶甜，撈飯食都好正。甜品今日甜品係芒果雪糕，好岩夏天食，透心涼! 整體食物質素高，而且服務都好好，會再次黎食。