令和鍋物酒場

Open Now

Now Closed

星期五晚諗唔到食咩，去開旺角所以決定黎依間幾出名嘅日式居酒屋。見到佢嘅A4和牛壽喜燒鍋好吸引，所以就嗌咗一份。另外再加咗一份送酒嘅醬煮豚肉，配埋一杯生啤真係好滿足。和牛雪花好靚，每一啖都係入口即溶，配埋微甜嘅壽喜燒湯底仲有蔬菜鍋，成個配搭都好好。最鍾意嘅就係佢另外會配埋一隻生雞蛋用黎點牛肉，啱啱煮好仲好熱嘅和牛點落生雞蛋度即刻就降溫，唔會Overcook。另外點嘅豚肉都好配啤酒，香甜嘅醬汁煮到個豚肉啱啱好，層次分明嘅五花腩，真係幾好食！星期五晚食到一個咁嘅晚餐真係好滿足，會再嚟試過！